Ундааны зах зээлд өдөр бүр шинэ амт, эрүүл мэндэд тустай сонголтууд нэмэгдэж, өрсөлдөөн ширүүсэж байгаа ч Америк хэрэглэгчид уламжлалт брэндүүдэд үнэнч хэвээр байна. 

Сүүлийн үеийн судалгаагаар хамгийн их хэрэглэдэг ундааны жагсаалтыг хэдийн танил болсон брэндүүд манлайлсаар байгааг харуулжээ. Судалгааны дүн ямар байгааг хамтдаа сонирхъё. 

Жагсаалтыг Кока-Кола (37%) манлайлж, хамгийн их уудаг ундаагаар тодорсон байна. Түүний араас Лемон-лайм амттай Спрайт (33%) хоёрдугаарт орсон бол, яг ижил төрлийн 7UP (23%) багагүй зайтайгаар тавд бичигджээ.

Пепси болон Доктор Пеппер ундааны хооронд өрсөлдөөн тун ойрхон үргэлжилж байна. Пепси (31%) гуравдугаарт эрэмбэлэгдсэн бол, өвөрмөц амтаараа ялгардаг Доктор Пеппер нэг хувийн зөрүүтэйгээр дөрөвт оржээ.

Жимсний болон гашуун амттай ундааны ангилалд жүржийн амттай Фанта (22%) болон Канада Драй (22%) жинжир эйл ундаанууд ижил хувьтайгаар жагсаалтын дунд хэсгийг эзэлж байна. Харин калори болон чихрийн агууламжгүй сонголт хийдэг хэрэглэгчдийн хувьд Кок Зеро (14%) ба Дайет Кок (14%) ундаа мөн адил хувьтайгаар жагсаалтын төгсгөлд багтав.

Сүүлийн үед олон төрлийн ундаа, амттаныг шинээр үйлдвэрлэж байгаа ч америкчуудын хувьд хэдийнээ танил болсон, дассан амт, чанараа сонгох нь хамгийн шилдэг сонголт хэвээр байна.  

‍