Олон улсын зах зээлд аж үйлдвэр, хөдөө аж ахуйн гол түүхий эд  болох дизель түлшний үнэ газрын тосны ханш даган өсөж байна. Тухайлбал, АНУ-ын Эрчим хүчний агентлагийн (EIA) мэдээгээр дизель түлшний дундаж үнэ өнгөрсөн долоо хоногийн байдлаар галлон нь (1 галлон = 3.78 литр) 5.96 ам.доллар хүрчээ. Зарим мужид зургаан ам.долларыг давж, түүхэн дээд цэгт хүрсэн байна.  

Монголд дизелийн үнэ литр нь 4500-5450 төгрөгийн хооронд байна. Энэ нь өмнөх онтой харьцуулахад дунджаар 80 орчим хувь өссөн дүн юм. 

Түүнчлэн дэлхийн дизель болон шатахууны нөөц сүүлийн таван жилийн хамгийн доод түвшинд хүрсэн. Орос-Украины дайн зэрэг хүчин зүйлийн нөлөөгөөр дизель түлшний үнэ бензинээс илүү огцом өсөөд байна.

‍