Трамп, Ши Жиньпин нарын уулзалтын дараа хоёр орны нүүрсний худалдааны салбарт томоохон хэлэлцээр хийгдсэн талаар Цагаан ордноос мэдээллээ. Уг хэлэлцээрээр Хятад улс ирэх 2 жилийн хугацаанд АНУ-аас хамгийн багадаа тус бүр 10 сая тонн нүүрс импортолохоор зөвшөөрчээ. 

Энэхүү тохиролцоо нь сүүлийн жилүүдэд худалдааны сөргөлдөөний улмаас саараад байсан Америкийн нүүрсний экспортод томоохон сэргэлт авчирч байна. Жилийн 10 сая тонн нүүрс нь АНУ-ын 2025 оны нийт нүүрсний экспортын ойролцоогоор 12 хувьтай тэнцэхүйц томоохон дүн юм. Энэ нь Вайоминг, Баруун Виржиниа, Пенсильвани зэрэг нүүрс олборлогч мужуудын уурхайнуудад урт хугацааны тогтвортой эрэлт үүсгэж байна.  

Албан ёсны мэдэгдэлд худалдан авах нүүрс нь гангийн үйлдвэрлэлийн коксжих нүүрс эсвэл цахилгаан станцын эрчим хүчний нүүрсний аль нь хэдэн хувийг эзлэхийг нарийвчлан заагаагүй байна. 

Мөн Д.Трампын засаг захиргаа дэлхийн эрчим хүчний нийлүүлэлтийг тогтворжуулах зорилгоор боловсруулсан нефтийн бүтээгдэхүүний гарцаа нэмэгдүүлэхийг Ерөнхийлөгч Ши Жиньпинээс хүсжээ. 

‍